Ўзбекистон аҳолиси 37,5 миллиондан ошди

TASHKENT. Kazinform – Бугун, 28 ноябрь куни Ўзбекистонда доимий истиқомат қилувчилар сони 37 506 692 нафарни ташкил этди. Бу ҳақда Ўзбекистон Республикаси Президенти ҳузуридаги Статистика агентлиги хабар берди.

Уларнинг 18 миллион 843 минг 362 нафарини эркаклар, 18 миллион 580 минг 815 нафарини аёллар ташкил этгани маълум қилинди.

Мутахассисларнинг фикрича, 2030 йилга бориб Ўзбекистон аҳолиси сони 40 миллион кишига етиши кутилмоқда. Бу Марказий Осиё аҳолисининг ярми. Сўнгги 30 йилда Ўзбекистон аҳолиси 15 миллион кишига кўпайди, бу барқарор демографик динамиканинг кўрсаткичидир.

Ўзбекистонда ўртача умр кўриш 74,3 ёшни ташкил этади.

Август ойи бошидаги маълумотларига кўра, Ўзбекистон аҳолиси биринчи ярим йилликда 300 мингдан ортиқ ўсгани ва 37 миллион кишидан ошгани ҳақида ёзган эдик.

БМТ 2100 йилга бориб Ўзбекистон аҳолиси 74 миллиондан ошади, деб башорат қилган.