Ўн тўққизинчи ғалаба: Шавкат Раҳмонов ирландиялик жангчи Иэн Гэррини мағлуб этди

ASTANA. Kazinform – Қозоғистонлик Шавкат Раҳмонов (18:0) Лас-Вегасда (Невада, АҚШ) бўлиб ўтган UFC 310 турнирида ирландиялик жангчи Иэн Гэрри билан жанг ўтказди ва ҳакамларнинг якдил қарори билан рақибидан устун келди.

Ирландиялик жангчи ҳеч қачон мағлуб бўлмаган. Ҳозиргача у 15 та жангнинг барчасида рақибларини ҳайратда қолдирган.

Бугунги жанг беш раундга мўлжалланган эди. Натижада ҳакамларнинг бир овоздан қарори билан ғалаба Шавкатга берилди.

Шу тариқа қозоғистонлик спортчи профессионал фаолиятидаги ўн тўққизинчи марта ғалаба қозонди. Иэн Гэрри эса илк бор мағлубият таъмини тотиб кўрди.

Эслатиб ўтамиз, бу Шавкатнинг ҳакамлар қарори билан ғалаба қозонган илк жангидир. Аввалги мусобақаларда у жангни муддатидан олдин якунлаганди.

Шавкатнинг ўрта вазн тоифасида UFC чемпиони Белал Муҳаммад (24-3) билан навбатдаги жанги бўлиб ўтиши мумкин. Уларнинг илк жанги бугунги турнирга белгиланган эди. Бироқ, америкаликнинг соғлиғи туфайли бекор қилинди.

Эслатиб ўтамиз, аввалроқ UFC нинг YouTube каналида қозоғистонлик Шавкат Раҳмонов (18:0) ва ирландиялик Иан Гэрри (15:0) ўртасидаги жанг акс этган фильм чиққан эди.