Умумий туркий алифбо намунаси ҳақидаги келишув сиёсий қарор эмас - Саясат Нурбек

ASTANА. Кazinform - Турк дунёси умумий алифбоси комиссиясининг 34 ҳарфли алифбо намунаси борасидаги келишув сиёсий қарор эмас. Бу ҳақда бугун ҚР Фан ва олий таълим вазири Саясат Нурбек маълум қилди.

“Маълумки, туркий давлатлар, илмий жамоалар, олимлар йиғилишларида умумий алифбо намунасини кўриб чиқиш билан боғлиқ бир қанча вазифалар берилган эди. Шундай қилиб, бир нечта учрашувлар бўлди. Халқаро Туркий академияси негизида бир қанча муҳокамалардан сўнг академия раҳбари жаноб Шаин Мустафоев шундай ҳужжатни имзолади. Шунга қарамай, бу Ҳукумат даражасидаги ёки сиёсий ҳужжат эмас. Ҳужжат фақат илмий жамоатчилик томонидан муҳокама қилинмоқда”, — деди вазир.

Эслатиб ўтамиз, Халқаро Туркий академияси 9-11 сентябрь кунлари Озарбайжон пойтахтида Турк дунёси умумий алифбо комиссиясининг учинчи йиғилиши бўлиб ўтганини маълум қилган эди. Тарқатилган маълумотларга кўра, йиғилиш якунида 34 ҳарфдан иборат умумий туркий алифбо намунаси таклифи юзасидан келишувга эришилди.