Туркияда ижтимоий тармоқларда провокация мақсадида ёлғон маълумот тарқатган 37 киши ҳибсга олинди

ASTANA. Kazinform – Туркияда Истанбул мэри Экрем Имомоглу ҳибсга олинган пайтда провокация мақсадида ижтимоий тармоқларда ёлғон маълумот тарқатган 37 киши қўлга олинди.

Бу ҳақда Туркия ички ишлар вазири Али Ерликая маълум қилди, дея хабар беради HaberGlobal.

Унга кўра, воқеа билан боғлиқ жами 261 та аккаунт хабар тарқатган, улардан 62 таси хориждан бошқарилган.

“37 киши ҳибсга олинди, қолган провокацияга алоқадорлар қидирилмоқда. Аккаунтларнинг 66 фоизи шахсий, 34 фоизи ботлар”, – деди Ерликая.

Эслатиб ўтамиз, Эрдоғаннинг асосий рақибини ҳибсга олиш учун ордер берилган эди.

Махсус операция давомида Истанбул мэри Экрем Имомоглу ва унинг матбуот маслаҳатчиси Мурат Онгун ҳибсга олинди.