Туркий давлатлар ташкилотининг навбатдаги саммити Қирғизистонда бўлиб ўтади

Туркий давлатлар ташкилотининг XI саммити келаси йили Қирғизистонда бўлиб ўтади. Бу ҳақда Давлат раҳбари Қасим-Жомарт Тоқаев маълум қилди, дея хабар беради Kazinform мухбири.

“Кейинги XI саммит келаси йили Қирғизистонда бўлиб ўтади. Бугун қабул қилинган қарорлар туркий мамлакатларнинг янада ривожланишига ҳисса қўшишига тўлиқ ишонаман”, - деди Қозоғистон Президенти Туркий давлатлар ташкилотининг X саммитини якунлар экан.

Бундан ташқари, Қасим-Жомарт Тоқаев Ўзбекистон Президентига туркий дунё бирлигини мустаҳкамлашга қўшган улкан ҳиссаси учун орден топширди.

“Туркий дунё бирлигини мустаҳкамлашга қўшган улкан ҳиссаси учун Ўзбекистон Республикаси Президенти Шавкат Мирзиёевни туркий дунёнинг олий ордени билан тақдирлаш ташаббуси билан чиқдим. Таклифим бир овоздан қўллаб-қувватланди, ўз миннатдорчилигимни билдираман”, - деди Давлат раҳбари.

Муаллиф: Марлан Жиембай