Цинциннати мастерс турнири: Елена Рибакина чорак финалда Ига Швентекка қарши ўйнайди
ASTANА. Кazinform — Қозоғистоннинг биринчи, дунёнинг иккинчи ракеткаси Елена Рибакина Цинциннати (АҚШ)WТА 1000 турнирининг чорак финалига чиқди.
Цинциннатида Елена Рибакина чорак финал йўлланмаси учун дунёнинг 14-ракеткаси россиялик Диана Шнайдер билан рақобатлашди.
Рақиблар шу йил бошида Штутгарт (Германия)да бўлиб ўтган WТА 500 турнирининг 1/8 финалида тўқнаш келишган эди, унда Е. Рибакина 6:3, 6:4 ҳисобида ғалаба қозонди.
Бу сафар биринчи сетда ҳисоб 3:3 бўлганида, Елена брейк қилишга муваффақ бўлди — 6:4.
Иккинчи сетда қозоғистонлик спортчи ҳам брейк билан олдинга чиқди — 3:1. У ниҳоят ўйинни ғалаба билан якунлади — 6:4.
1 соат 27 дақиқа давом этган мусобақада Рибакина 8 та эйс билан бирга 3 та брейк-пойнтдан 2 тасини фойдаланди. Шнайдер 1 та эйсдан фойдаланди, аммо 7 та брейк-пойнтдан фойдалана олмади.
Елена Рибакина ярим финалга чиқиш учун дунёнинг 5-ракеткаси, польшалик Ига Швентек билан рақобатлашади.
Ўтган ҳафта Торонто (Канада) WТА 1000 турнирининг финалида Е. Рибакина И. Швентекка ютқазди. Унинг мағлубият учун реванш олиш-олмаслигини бўлажак ўйин кўрсатади.
Эслатиб ўтамиз, Елена Рибакина Цинциннати турнирининг тўртинчи босқичига йўл олгани ҳақида хабар берган эдик.
