Трампга яна бир бор суиқасд уюштирилди

ASTANA. Kazinform – АҚШнинг собиқ президенти ва яна президентликка номзод Дональд Трампга яна ҳужум уюштирилди. Бу ҳақда ТАСС хабар берди.

New York Post нашрида эълон қилинган маълумотларга кўра, АҚШ махфий хизмати Дональд Трамп Флорида штатидаги Вест Палм-Бич шаҳридаги гольф клубидан чиқиб кетаётганида унинг ёнида отишма содир бўлганини пайқаган.

Вакиллар палатаси вакили Маржори Тейлор-Гриннинг айтишича, Трамп ҳозирча ҳеч қандай хавф остида эмас.

“Трамп ёнидаги отишмадан кейин хавфсиз жойга жойлаштирилди. Ҳозирча бошқа маълумот йўқ”, — деб ёзди Маржори Тейлор-Грин Х ижтимоий тармоғидаги саҳифасида.

Эслатиб ўтамиз, аввалроқ Дональд Трамп АҚШнинг Пенсилвания штатида сайловолди кампанияси вақтида суиқасд уюштирилгани ҳақида хабар берган эдик.