Трамп ҳарбий ва иқтисодий куч ишлатиши мумкин
ASTANA. Кazinform - АҚШнинг янги сайланган президенти Дональд Трамп Панама канали ва Гренландияни назорат қилиш учун ҳарбий куч, шунингдек, Канадани эгаллаш учун иқтисодий куч ишлатиш имкониятларини кўриб чиқаётганини маълум қилди.
Флориданинг Мар-а-Лаго шаҳрида бўлиб ўтган матбуот анжумани чоғида журналист Дональд Трампдан Панама ёки Гренландияга қарши ҳарбий куч ишлатмасликка жамоатчиликни ишонтира оласизми, деб сўради, деб хабар берди NBC News.
- Йўқ, мен сизга бу икки банддан бирини ҳам кафолатлай олмайман, лекин бир нарсани айта оламан: улар бизга иқтисодий хавфсизлик учун керак, - деди Дональд Трамп.
Кейинчалик у Канадага қарши ҳарбий куч ишлатмаслигини, фақат “иқтисодий куч” қўллашини маълум қилди.
- Сизар бу сунъий чизиқдан қутуласиз. Бу миллий хавфсизлик учун ҳам яхши бўларди. Биз уларни ҳимоя қилиш учун бу ерда юзлаб миллиардларни сарфлаяпмиз, — деди Дональд Трамп АҚШнинг Канада устидан назорат ўрнатиши ҳақида.
Трампнинг таъкидлашича, субсидиялар муҳим ҳарбий ёрдамни ўз ичига олади ва АҚШнинг савдо камомади туфайли йўқотилмоқда.
Бунгача Трамп Канадани 51-штат қилиш ғоясини илгари сурган эди.
2024 йил 30 ноябрь куни Канада Бош вазири Жастин Трюдо Флоридадаги Мар-а-Лаго қароргоҳида АҚШнинг сайланган президенти Дональд Трамп билан учрашди.
Аввалроқ Трамп Канада ва Мексика АҚШ чегараларини ноқонуний иммиграция ва фентанил препаратидан ҳимоя қилишда ҳамкорлик қилмаса, товарларга 25 фоизлик божлар жорий этиш билан таҳдид қилган эди.
