Трамп Флоридадаги қароргоҳида Мелонини қабул қилди
ASTANA. Кazinform — Италия бош вазири Жоржа Мелони музокаралар учун АҚШнинг сайланган президенти Дональд Трампнинг Мар-а-Лагодаги қароргоҳига ташриф буюрди.
Унинг сўзларига кўра, учрашув Мелони тарафдорларининг Италия бош вазири “Трампнинг Европадаги асосий иттифоқчиси”га айланиши ҳақидаги умидларини кучайтиради.
ТАСС ахборот агентлигининг ёзишича, учрашув кун тартиби ҳозирча номаълум, бироқ Мелони ва Трамп республикачиларнинг Европа давлатлари билан келишмовчиликларини камайтиришни муҳокама қилишлари эҳтимолдан холи эмас.
Италия бош вазирининг Трамп билан учрашуви Америка маъмуриятининг амалдаги раҳбари Жо Байденнинг 9-12 январь кунлари Италияга ташрифидан бир неча кун олдин содир бўлди. Италияда Байден Мелони, шунингдек, Рим папаси Френциск билан учрашиши режалаштирилган.
Нашрнинг қайд этишича, Трамп сайланганидан бери унинг қароргоҳига бир қанча давлат раҳбарлари, жумладан Венгрия бош вазири Виктор Орбан, Аргентина президенти Хавьер Майли ва Канада бош вазири Жастин Трюдо ташриф буюришган.
Эслатиб ўтамиз, аввалроқ Дания Трампнинг баёнотидан кейин Гренландия мудофаасини кучайтиргани ҳақида хабар берган эдик.
