Ўзбекистонда маст эркак кўчада пичоқ кўтариб ҳаракатланди

TASHKENT. Kazinform - Аввалроқ, ижтимоий тармоқларда Тошкент вилоятида бир эркак маст холда, кўчада пичоқ билан юргани ҳақида видео хабарлар тарқалди, деб хабар беради Kazinform агентлиги MILITSIYA_UZB Telegram-каналига таяниб.

Ҳолат юзасидан Тошкент вилояти ИИББ маълумот берди.

Мазкур ҳолат Тошкент вилояти ИИББ назоратига олиниб, видеода кўриниш берган шахс тезкор равишда ИИО ходимлари томонидан ушланиб, зарарсизлантирилган.

Қайд этилишича, у жараёнда ҳеч кимни жароҳатламаган, атрофдаги фуқароларга зарар етмаган. Маст холда содир этган хатти-ҳаракатлари учун қонунда белгиланган тартибда жавобгарликка тортилади.

Ҳозирда ҳолат юзасидан унга нисбатан тегишли ҳужжатлар расмийлаштирилиб, терговга қадар текширув ҳаракатларига киришилди.

 

Эслатиб ўтамиз, Қашқадарёда юк машинаси қўйлар отарини уриб юборгани ҳақида хабар берган эдик.