Томас Бах ХОҚ президенти лавозимини тарк этишини маълум қилди
ASTANA. Kazinform - Халқаро олимпия қўмитаси (ХОҚ) президенти Томас Бах ташкилотнинг 142-сессиясида ваколат муддати тугаганидан кейин истеъфога чиқишини маълум қилди.
Германиялик мутахассис 2013 йилдан буён Халқаро олимпия қўмитасини бошқариб келмоқда. У 2021 йилда тўрт йиллик муддатга қайта сайланган. Бу Олимпия Хартиясида белгиланган муддат ҳисобланади. Шу муносабат билан ХОҚнинг бир қатор аъзолари Бахнинг ваколат муддатини узайтириш бўйича регламентга ўзгартириш киритишни таклиф қилди.
Халқаро олимпия қўмитасининг янги президенти сайлови 2025 йилнинг март ойида бўлиб ўтади. 70 ёшли Томас Бах, агар керак бўлса, ўз ворисига ёрдам беришга тайёрлигини айтди.
Ўзининг спорт карьераси давомида Томас Бах 1976 йилда жамоавий қиличбозлик бўйича Олимпия чемпиони бўлган.
Эслатиб ўтамиз, Қозоғистон терма жамоаси 2024 йилги Париж Олимпиадасида 1 та олтин, 3 та кумуш ва 3 та бронза медалини қўлга киритган.
Олимпия ўйинларида қозоғистонлик спортчилар спортнинг 25 тури бўйича баҳслашди. Мамлакат номидан 80 нафар спортчи 92 та йўлланмани қўлга киритди.
