Тимофей Скатов Швециядаги асосий мусобақага йўлланма олди

ASTANА. Кazinform - Дунёнинг 223-ракеткаси 23 ёшли Тимофей Скатов Бостад (Швеция) АТP 250 турнирининг асосий босқичига чиқди.

Саралаш баҳсларининг финалида қозоғистонлик теннисчи дунёнинг 153-ракеткаси италиялик Андреа Пеллегринодан устун келди.

Т.Скатов рақибини 6:4, 6:1 ҳисобида мағлуб этди. Бир соату 35 дақиқа давом этган ўйинда у 3 та эйс билан бирга 9 та брейк-пойнтнинг 4 тасидан фойдаланди. Пеллегрино 6 та брейк-пойнтдан фақат биттасини қайд этди.

Яна бир қозоғистонлик Денис Евсеев саралаш босқичи финалида франциялик Мануэл Гинарга қарши ўйнайди. 15—21 июль кунлари бўлиб ўтадиган Бостад турнирининг соврин жамғармаси 651 865 еврога баҳоланган. Турнир ғолиби 88 125 евро ва 250 рейтинг очкосига эга бўлади.

Тимофей Скатов айни дамда ATP Live рейтингида 218-ўринга кўтарилди.

Эслатиб ўтамиз, аввалроқ қозоғистонлик теннисчи жаҳон рейтингида 36 поғонага кўтарилгани ҳақида ёзган эдик.