21:34, 04 Апрель 2024 | GMT +5
Тимофей Скатов Италиядаги турнирда чорак финалга чиқди
ASTANA. Kazinform – Дунё рейтингида 277-ўринни эгаллаб турган қозоғистонлик теннисчи Тимофей Скатов Барлетта (Италия) шаҳрида ўтказилаётган челленжер турнирининг чорак финалига йўлланма олди.

Қозоғистонлик теннисчи иккинчи даврада жаҳоннинг 166-рақами, ушбу мусобақанинг 3-ракеткаси австриялик Филипп Мисолични мағлуб этди.
Бир соату 50 дақиқа давом этган баҳсда Скатов ашаддий рақибини 6:4, 6:3 ҳисобида мағлуб этди. У 1 та эйс билан бирга 10 та брейк-пойнтдан 4 тасини амалга оширди. Мисолич 1 эйс, 1 брейк (6 брейк-пойнт) билан чекланди.
Тимофей Скатов ярим финалга чиқиш учун дунёнинг 305-ракеткаси италиялик Риккардо Бонадио билан куч синашади.