Теннис: Скатов ва Кукушкин Португалиядаги турнирни муваффақиятли бошлади

ASTANA. Kazinform – Қозоғистонлик теннисчилар Тимофей Скатов ва Михаил Кукушкин Портудаги (Португалия) “Челленжер” туркумига кирувчи турнирнинг 1/8 босқичига йўл олди.

Дунё рейтингида 189-ўринни эгаллаб турган Тимофей Скатов ўзининг илк учрашувини дунё рейтингида 489-ўринни эгаллаб турган португалиялик Фредерику Феррейра Силвага қарши ўтказди.

Қозоғистонлик теннисчи 1 соат 41 дақиқа давом этган баҳсда рақибини 6:3, 6:3 ҳисобида мағлуб этди. У 5 та эйс амалга оширди ва 8 та брейк-пойнтнинг ярмидан фойдаланди.

Дунёнинг 134-ракеткаси Михаил Кукушкин рейтингда 336-ўринни эгаллаб турган хитойлик Цзе Цуй билан ўйинда кэмбек қилишга муваффақ бўлди - 3:6, 6:2, 6:1. 2 соату 6 дақиқа давом этган кескин беллашувда Кукушкин 1 эйс, 5 брейк (8 брейк-пойнт) билан ажралиб турди.

Т.Скатов чорак финалга чиқиш учун дунё рейтингида 249-ўринни эгаллаб турган даниялик Аугуст Хольмгрен билан, М.Кукушкин эса 224-поғонада жойлашган бельгиялик Йорис Де Лоре билан куч синашади.