Сув тошқинларидан жабр кўрган ҳудудларга Туркистон вилоятидан 150 га яқин техника жўнатилади
TÜRKISTAN. Кazinform — Бугун сув тошқинларидан жабр кўрган Ғарбий Қозоғистон вилоятига 70 дан ортиқ техника ва ҳайдовчи жўнатилди. Эртага яна 50 га яқин машина йўлга чиқади.
Туркистон ва Арис бекатларида тун бўйи поездларга техника юкланди. Эндиликда «Қазақстан Темір жолы» миллий компанияси белгиланган жадвал бўйича Атирау станциясига етказиб беради.
Умуман, бунгача Туркистондан Ғарбий Қозоғистон вилоятига 104 нафар шахсий таркиб ва 12 техника, Шимолий Қозоғистон вилоятига эса 54 нафар шахсий таркиб ва 9 та техника жўнатилган эди. Айни пайтда фавқулодда вазиятлар ходимлари томонидан қайд этилган ҳудудларда сув тошқинларининг олдини олиш ишлари олиб борилмоқда. Шунингдек, вилоятдан келган кўнгилли ёшлар табиий офат ҳудудларида ишламоқда.
Эслатиб ўтамиз, Туркистон вилояти Ғарбий Қозоғистон вилоятига ва Ақтўбега 346 тонна гуманитар ёрдам жўнатди