Сув танқислиги: Қозоғистонда иккита йирик лойиҳа амалга оширилади
Қозоғистондаги Марказий Осиё минтақавий экологик маркази директори Нурай Саттимовнинг айтишича, биринчи лойиҳа Қозоғистон, Қирғизистон ва Тожикистонни қамраб олади.
Биринчидан, лойиҳа қишлоқ хўжалиги экинлари ҳосилдорлигига зарар етказмасдан суғоришнинг янги усуллари ва технологияларини жорий этиш орқали сув танқислиги масаласини ҳал этишга ёрдам беради.
Иккинчидан, Қозоғистон, Қирғизистон ва Тожикистонда аёллар бошчилигидаги фермер хўжаликлари ва қишлоқ хўжалиги корхоналари суғориш учун сув танқислигига боғлиқликни камайтиради, ҳосилдорликни оширади ва бутун минтақада қишлоқ хўжалиги барқарорлигини оширади.
“Қозоғистоннинг Есил дарёси ҳавзасида сув ҳавзаларини комплекс бошқариш” лойиҳаси Ақмола ва Шимолий Қозоғистон вилоятларидаги Есил дарёси ҳавзасидаги қишлоқ хўжалиги ва яйлов ерларининг шароитини яхшилайди. Ушбу ҳудудларда истиқомат қилаётган 12 мингдан ортиқ аҳоли қишлоқ хўжалигида сув хўжалигига комплекс ёндашувни жорий этишдан тўғридан-тўғри фойда кўради. Бундан ташқари, Есил дарёси ҳавзасининг сув ресурсларини сақлаш ва ундан оқилона фойдаланиш бўйича трансчегаравий диагностика таҳлили ва стратегик ҳаракатлар режаси ишлаб чиқилади”, - дейди Нурай Саттимов.
Маърузачининг сўзларига кўра, лойиҳаларнинг умумий қиймати 600 минг доллардан ошади.
Марказий Осиё мамлакатларида тўғридан-тўғри бенефициарлар сони 22 мингдан, билвосита олувчилар сони эса 200 мингдан ошиши кутилмоқда.
