Сув ресурсларини ўрганиш ниятида бўлган абитуриентлар учун таълим гранти кўпаяди

ASTANA. Kazinform - Сув хўжалигида талаб бўлган фанлар бўйича олий таълим учун таълим грантлари сонини оширади. Бундай ташаббус 2023-2029 йилларга мўлжалланган сув ресурсларини бошқариш тизимини ривожлантириш концепция-лойиҳасида кўтарилган, деб хабар беради Kazinform мухбири.

«М.Х.Дулати номидаги Тараз вилоят университети билан ҳамкорликда сув хўжалиги соҳасида талаб юқори бўлган мутахассисларни тайёрлаш бўйича мазкур олий таълим муассасасининг ривожланиш дастури тасдиқланган. Бу ишлар 2023-2029 йилларда амалга оширилади. Шу билан бирга, таълим дастурлари, жумладан, сув соҳасидаги инновацион фанлар ҳам янгиланади. Сув хўжалигининг талаб қилинадиган фанлари бўйича олий таълим олиш учун давлат таълим грантлари сони оширилади», - дейилади Ashyq НҲА порталида эълон қилинган 6 йиллик концепцияда.

Бундан ташқари, иш режасида қайд этилганидек, келгуси йилдан бошлаб Иртис, Деркўл, Елек, Есил, Тобил, Нура, Шу, Селета, Қаратал, Топар, Сирдарё, Ойил, Жем, Сағиз дарёлари каналлари тозаланади. Улар тегишли ҳудудий бошқармалар билан биргаликда амалга оширилади.

Ҳужжат 20 июнга қадар жамоатчилик муҳокамаси учун тақдим этилади.

Муаллиф: Алихан Асқар