Шимолий Корея янги баллистик ва модернизация қилинган қанотли ракеталарни синовдан ўтказди

ASTANA. Kazinform - Шимолий Корея ўта йирик жанговар каллакни ва такомиллаштирилган қанотли ракетани ташишга қодир янги тактик баллистик ракеталарни муваффақиятли синовдан ўтказганини маълум қилди, дея хабар беради Kazinform агентлиги КМТАга таяниб.

Корея марказий телеграф агентлиги (КМТА) маълумотларига кўра, «Хвасонпхо-11да-4,5» деб номланган янги ракета КХДР Ракетасозлик Бош бошқармаси томонидан ўтказилган синовда оғирлиги 4,5 тонна бўлган ўта йирик жанговар каллакни олиб учган.

- Синов учирилишидан мақсад ўта йирик каллакка эга ракетанинг 320 гача бўлган ўрта масофадаги нишонга тегиши аниқлигини ва ўта йирик каллакнинг портлаш қувватини тасдиқлаш эди, — дейилади хабарда.

Шунингдек, Ракетасозлик бошқармаси стратегик қанотли ракеталарни синовдан ўтказгани, унинг ишлаши сезиларли даражада яхшилангани хабар қилинган.

- Шимолий Корея етакчиси Ким Чен Ин синовларни назорат қилди ва натижалардан катта мамнунлигини билдирди, - деб ёзади агентлик.

Эслатиб ўтамиз, аввалроқ Шимолий Корея шимоли-шарқий йўналишда қисқа масофали баллистик ракеталарни учиргани хабар қилинганди.