Шимбулақда дунёнинг 30 та давлатидан 150 нафар журналист чанғида учди
ASTANA. Kazinform - Алмати шаҳридаги “Шимбулақ” тоғ-чанғи курортида SCIJ (The Ski Club of International Journalists) Халқаро журналист-чанғичилар клубининг 69-йиғилиши бўлиб ўтди.
ҚР Туризм ва спорт вазирлиги матбуот хизмати хабарига кўра, бу йил Қозоғистон ташкилотчи давлат сифатида дунёнинг 30 га яқин давлатидан 150 нафар журналистни қабул қилган. Йиғилишни Туризм ва спорт вазири ўринбосари Серик Жараспаев очди.
3-10 март кунлари иштирокчилар учун тоғ ва чанғи спорти бўйича тренинг ва мусобақалар, касбий мавзуларда суҳбатлар, фойдали учрашувлар ҳамда Қозоғистон маданияти ва миллий таомлари билан танишиш бўлиб ўтади.
SCIJнинг навбатдаги мажлисининг бош ҳамкори - «Kazakh Tourism» миллий компанияси ҳисобланади.
Тадбир “Шимбулақ” тоғ-чанғи курортининг 70 йиллиги доирасида Алмати шаҳар маъмурияти кўмагида ўтказилмоқда.
SCIJ халқаро чанғи журналистлари клуби қарийб 70 йилдан бери ишлайди. Клубда дунёнинг 31 давлатидан 3 мингдан ортиқ вакиллар бор. Ўшандан бери клуб аъзоларининг анъанавий учрашувлари ҳар йили дунёнинг энг яхши тоғ-чанғи курортларида ўтказиб келинади. Журналист-чанғичилар ҳозиргача 74 давлат томонидан қабул қилинган.
Қозоғистоннинг SCIJдаги тарихи 2012 йилдан бошланади. Ўша йили мамлакат Туркияда бўлиб ўтадиган клубнинг йиллик йиғилишида илк бор меҳмон сифатида иштирок этди. 2013 йилдан бери уч кишидан иборат Қозоғистон жамоаси Италияда бўлиб ўтган йиғилишда расман SCIJга қабул қилинган. SCIJ Kazakhstan клуби ташкил этилганидан буён ўтган 10 йил ичида иштирокчилар сони 48 нафарга етди.
Қозоғистон клубининг асосий мақсади фаол ҳаёт тарзини тарғиб этиш, журналистлар ва улар орқали жамоатчиликни қишки спорт турларига жалб этиш, Қозоғистоннинг туризм салоҳиятини халқаро майдонда оммалаштиришдан иборат.
