Шарқий Қозоғистонда 5 килолик қизалоқ туғилди
ÖSKEMEN. Кazinform - Шарқий Қозоғистон вилоятининг Тарбағатай туманида 5 килолик қизалоқ дунёга келди.
Шарқий Қозоғистон вилояти Соғлиқни сақлаш бошқармаси матбуот хизмати хабарига кўра, Наврўз байрами бошланганидан буён Тарбағатай туман шифохонасида 9 нафар чақалоқ дунёга келди.
– Янги туғилган чақалоқларга миллий кийим кийгазиб, олиб чиқиб кетишди. Улар орасида 5 килолик қизалоқ ҳам бор эди. Ота-онаси унга Бегимай исмини қўйишган, — дейилади хабарда.
Бундан ташқари, Наврўз байрами муносабати билан Риддер шаҳар маданият саройида тантанали тушовкесди маросими бўлиб ўтди. Жами 22 нафар боланинг тушови кесилди ва оқсоқоллар кенгаши аъзолари уларни дуо қилишди. Болаларга байрам совғалари ҳам тарқатилди.
Эслатиб ўтамиз, аввалроқ Қостанай вилоятида вазни деярли 6 килограмм бўлган чақалоқ дунёга келганлиги ҳақида хабар берган эдик.
