Шаҳзода Гарри ўз мемуарида Шимбулақга ташрифи ҳақида гапириб ўтган

ASTANА. Kazinform – ҚР Маданият ва спорт ишлари вазири ўринбосари Ержан Еркинбаев шаҳзода Гаррининг Қозоғистон тоғ-чанғи курортига ташрифи тафсилотлари ҳақида гапирди, дея хабар беради Кazinform мухбири.

«2014 йилда шаҳзода Гаррини таниган Норвегиялик яқин дўстим ва саёҳатчи шаҳзода Гаррини тоғ-чанғи курортида ўтказиш учун олиб келишни таклиф қилди. Қишда у севгилиси Крисида билан бирга шаҳзода Гаррини олиб келди», — деди Ержан Еркинбаев сайёр ҳайъат йиғилишидан сўнг журналистлар саволларига жавоб берар экан.

Унинг сўзларига кўра, меҳмонлар Қозоғистонда бир неча кун бўлган ва уларга ҳаммаси ёққан.

«Ушбу эпизод мемуарга киритилганидан хурсандмиз.

У жуда оддий, ҳимояланган шахс бўлса-да, хавфсизликни таъминлашдан бош тортди. У ҳар қандай ёпиқ ВИПларга ва одамлар оқимини чеклашга қарши эди. У Шимбулақда бошқа одамлар билан очиқ майдонда овқатланар, ҳамманинг кўз ўнгида бемалол кийим алмаштирарди. Яъни, чанғи курортининг мутлақо оддий меҳмони. Оддий хулқ-атвори туфайли одамлар уни танимади», - дея қўшимча қилди Ержан Еркинбаев.

Муаллиф: Серик Сабеков