Роттердамда сенсация: Александр Шевченко дунёнинг 7-ракеткасини мағлуб этди

ASTANА. Кazinform - Қозоғистоннинг иккинчи, дунёнинг 57-ракеткаси Александр Шевченко Роттердамда (Нидерландия) ўтказилаётган АТP 500 турнирининг чорак финалига чиқди.

Қозоғистонлик теннисчи иккинчи босқичда дунёнинг 7-ракеткаси даниялик Хольгер Рунени мағлуб этди.

Биринчи партияда ҳисоб 4:4 бўлиб турганида Шевченко брейк қилишга муваффақ бўлди - 6:4.

Иккинчи сетда Руне устунлик қилди - 6:1.

Учинчи, ҳал қилувчи ўйинда Шевченко навбатдаги брейкдан фойдаланиб, учрашувни ғалаба билан якунлади – 6:3.

Мусобақа бир ярим соатдан ортиқ давом этди.

Александр Шевченко ярим финалга чиқиш учун дунёнинг 13-ракеткаси болгариялик Григор Димитров билан куч синашади.

Эслатиб ўтамиз, аввалроқ Михаил Кукушкин Баҳрайндаги мусобақанинг ярим финалига йўлланма олгани ҳақида хабар берган эдик.

​