Россиялик пенсионерлар 2025 йилда барча жамғармаларини ечиб олишлари мумкин бўлади
ASTANА. Кazinform - Бироқ бу миқдор 412 минг рублдан (2 миллион 195 минг тенге) ошмаслиги керак.
Давлат Думаси депутати Сергей Гаврилов 2025 йилда россияликлар 412 минг рублдан ошмаслиги шарти билан барча пенсия жамғармаларини бирданига ечиб олишлари мумкинлигини маълум қилди.
Бунинг учун бир қатор процедуралардан ўтиш керак. Хусусан, Пенсия жамғармасига ёки Давлат хизматлари портали орқали мурожаат қилиш керак. Агар пенсия жамғармаларининг миқдори рухсат этилган чегарадан ошса, ойлик тўлов тайинланади, унинг миқдори жамғармаларнинг умумий миқдорига ва белгиланган тўлов муддатига боғлиқ.
2025 йил учун кутилаётган тўлов муддати 270 ой (22,5 йил). Мисол учун, агар пенсия жамғармалари 500 минг рублни (2 665 000 тенге) ташкил қилса, ойлик тўлов тахминан 1 852 рублни (9 871 тенге) ташкил қилади.
Бундай ҳолда, пенсия жамғармалари қаерда сақланаётганлигини олдиндан текшириш керак - Пенсия жамғармасида ёки нодавлат пенсия жамғармасида.
Эслатиб ўтамиз, Туркияда энг кам пенсия 15,75 фоизга ошди.
Ўзбекистонда эса пенсия тайинлаш ва тўлашда бюрократия қисқартирилади.
