Россия: Астраханда фавқулодда ҳолат жорий этилди

Астраханда беш қаватли турар-жой биносининг иккита кириш қисми қулаб тушганидан кейин ҳудудда фавқулодда ҳолат жорий этилди. Бу ҳақда Kazinform агентлиги ТАSSга таяниб хабар бермоқда.

“Фавқулодда ҳолат ҳудуий даражага ўтказилди. Фавқулодда ҳолат доирасида ҳудудий даражада оғир аҳволга тушиб қолган аҳолига моддий ёрдам кўрсатиш бўйича барча меъёрий ҳужжатларни қабул қилдик”, — деди вилоят губернатори Игорь Бабушкин.

Эслатиб ўтамиз, аввалроқ Россиянинг Астрахан шаҳрида кўп қаватли уйнинг бир қисми қулаб тушгани ҳақида хабар берган эдик.