Ролан Гаррос турнири: Елена Рибакина 1/8 финалга чиқди

PARIS. Kazinform – Қозоғистоннинг биринчи, жаҳоннинг 4-ракеткаси Елена Рибакина Парижда ўтказилаётган Франция очиқ чемпионатининг тўртинчи босқичига йўл олди.

Қозоғистонлик теннисчи учинчи даврада жаҳон рейтингида 27-ўринни эгаллаб турган бельгиялик Элизе Мертенс билан учрашди.

Бунгача рақиблар беш марта тўқнаш келишган ва уларнинг тўрттасида Рибакина ғалаба қозонган.

Бу сафар биринчи партияда Мертенс икки марта брейк қилган бўлса, Елена ҳисобни тенглаштирди. Кейин эса учинчи марта брейк қилиб, сет учун тўп ўзатганда, имкониятни бой бермади - 6:4. Иккинчи сетда ҳисоб 2:1 бўлиб турганида Рибакина брейк қилишга муваффақ бўлди - 3:1. Ниҳоят, у учрашувни навбатдаги брейк билан якунлади - 6:2.

Бир соату етти дақиқа давом этган мусобақада қозоғистонлик спортчи учта эйс билан бирга олтита брейк-пойнтдан бештасини ишлатди. Мертенс 2 та брейк (3 брейк-пойнт) билан чекланди.

Елена Рибакина чорак финал йўлланмаси учун дунёнинг 19-рақамли украиналик Элина Свитолина ёки 64-ўриндаги руминиялик Ана Богдан билан курашади.