Референдум: 10,3 минг сайлов участкаси ташкил этилади

ASTANA. Kazinform – Референдум учун сайлов участкаларининг умумий сони 10 327 тани ташкил этди. Бу ҳақда Қозоғистон Республикаси Марказий сайлов комиссияси раиси ўринбосари Константин Петров 6 октябрь куни Астанада республика референдумини ўтказиш бўйича йиғилишда маълум қилди.

Унга кўра, референдумга тайёргарлик кўриш учун 35 кун вақт ажратилади. Шу нуқтаи назардан, сайловчилар рўйхатини тузиш бошланган ва келгусида аҳоли қаерда овоз бериши ҳақида маълумот берилади. 12 сентябрга қадар фуқароларга референдум ўтказувчи комиссиялар жойлашган жой ҳақида маълумот берилади.

Шунингдек, у 6 октябрь куни эрталаб соат 7:00 дан 20:00 гача овоз бериш давом этишини айтди. Референдум натижалари 7 кун ичида эълон қилинади.

“Референдум участкаларининг умумий сони 10 327 тани ташкил этди. Уларнинг 78 таси Қозоғистон ҳудудидан ташқарида, яъни дунёнинг 63 та давлатида жойлашган”, – деди К. Петров.

Унга кўра, 1 июль ҳолатига кўра, республика бўйича 12 миллион 176 минг 968 киши референдумда иштирок этиш имкониятига эга.

Аввал хабар қилинганидек, Давлат раҳбари Қасим-Жомарт Тоқаев “2024 йил 6 октябрда республика референдумини ўтказиш тўғрисида”ги фармонни имзолаган эди.