Президент Таиланд Қироллиги билан ҳамкорликни янада чуқурлаштириш ниятида эканини маълум қилди

ASTANА. Kazinform - Қозоғистон Республикаси Президенти Қасим-Жомарт Тоқаев Таиланд Қироли Маха Вачиралонгкорнни Миллий байрам билан табриклади, деб хабар беради Ақорда.

Қозоғистон Президенти ўз телеграммасида Таиланд Қироллиги халқаро майдонда, ижтимоий-иқтисодий тараққиётда салмоқли муваффақиятларга эришганини таъкидлади.

Шу билан бирга, Президент Таиланд Қироллиги билан анъанавий дўстлик ва мазмунли сиёсий мулоқотга асосланган ҳамкорликни янада чуқурлаштириш ниятида эканини маълум қилди.

Эслатиб ўтамиз, бугун Президент Қасим-Жомарт Тоқаев Евроосиё иқтисодий комиссияси ҳайъати раиси Бақитжан Сағинтаевни қабул қилди. Қабулда Қасим-Жомарт Тоқаевга 26 декабрь куни Санкт-Петербургда бўлиб ўтадиган Олий Евроосиё иқтисодий кенгашининг навбатдаги йиғилишига тайёргарликнинг бориши ҳақида маълумот берилди.