Президент Ҳукуматга саноат хавфсизлиги стандартларига риоя этилишини текшириш бўйича топшириқ берди

ASTANА. Кazinform - Давлат раҳбари Улитау вилоятидаги “Қазақмис” корпорациясининг конида содир бўлган фожиали воқеа муносабати билан меҳнат хавфсизлиги соҳасида қатъий риоя қилиниши лозим бўлган шартларга эътибор қаратди. Бу ҳақда Ақорда матбуот хизмати хабар берди.

– Тасдиқланган талабларнинг қўпол бузилиши ҳолатлари мавжуд. Объектларни саноат хавфсизлиги тизимлари билан жиҳозлаш даражаси жуда паст. Компаниялар меҳнат хавфсизлигини таъминлашга қаратилган лойиҳаларга етарли даражада сармоя киритмаяпти. Буларнинг барчаси техноген бахтсиз ҳодисалар, ишчиларнинг ўлими ва жароҳатланишига олиб келади, — дейилади хабарда.

Президент Ҳукуматга хавфли ишлаб чиқариш объектларида меҳнат қилаётган фуқаролар хавфсизлигини таъминлаш бўйича қуйидаги чора-тадбирларни кўриш бўйича топшириқ берди:

1. Объектларда саноат хавфсизлиги стандартларига мувофиқлигини текшириш;
2. Ушбу объектларда замонавий хавфсизлик тизимини, жумладан, газни аниқлаш қурилмалари, сейсмик қурилмалар, жойлашишни аниқлаш тизимлари ва бошқа тегишли усулларни ишлаб чиқиш ва жорий этиш;
3. Автоматлаштирилган прогнозлаш ва хабар бериш тизимини жорий этган ҳолда объектларни рақамлаштириш;
4. Аудит натижаларига кўра ер қаъридан фойдаланувчиларнинг иш дастурларига тузатишлар киритиш ва замонавий саноат хавфсизлиги тизимига инвестициялар ҳажмини ошириш йўлларини кўриб чиқиш;
5. Саноат хавфсизлиги соҳасида текширув ва назорат механизмларини кучайтириш.

Давлат раҳбарининг мазкур кўрсатмалари Президент Администрациясининг алоҳида назоратида.

Эслатиб ўтамиз, аввалроқ “Қазақмис” конида ҳалокат юз бергани ҳақида ёзган эдик.