Португалияда ўтказилган мусобақада Жибек Қуламбаева чемпион бўлди

ASTANА. Кazinform — Қозоғистонлик теннисчи Жибек Қуламбаева Лозада (Португалия) ITF W35 турнирида чемпион бўлди.

Қозоғистонлик теннисчи сўнгги баҳсда беларуслик Юлия Хатука билан биргаликда россиялик Полина Яценко ва бельгиялик Ханна Вандевинкелга қарши кортга чиқди.

Биринчи партияда Қуламбаева – Хатука 6:3 ҳисобида устун келган бўлса, иккинчи сетда Россия-Бельгия жуфтлиги ғалаба қозонди – 6:1.

Супер тай-брейкда эса Жибек Куламбаева – Юлия Хатука ғалаба қозонишга муваффақ бўлди – 10:4.

Бир соату 17 дақиқа давом этган баҳсда Қозоғистон-Беларусь жуфтлиги 4 та брейкдан фойдаланди.

Эслатиб ўтамиз, Рафаэль Надаль теннисчи сифатида фаолиятини якунлагани ҳақида хабар берган эдик.