Павлодар вилояти қишлоқ хўжалигига йўналтирилган инвестициялар ҳажми бўйича етакчи – ҳоким

ASTANА. Кazinform - Павлодар вилоятига қарийб 815 миллиард тенге сармоя киритилди, бу ўтган йилга нисбатан 30 фоизга кўпдир. Бу ҳақда вилоят ҳокими Асайин Байханов маълум қилди.

“Жорий йилнинг 10 ойи якунларига кўра, вилоятимиздаги асосий макро кўрсаткичлар ижобий динамикага эга. Саноат маҳсулотлари ишлаб чиқариш ҳажми 2,8 триллион тенгега етди, қайта ишлаш тармоғи 8,2 фоизга ошди. Вилоятимиз ишлаб чиқариш саноати бўйича республикада биринчи учликдан, шунингдек, нохомашё экспорти бўйича 5-ўриндан жой олди. Биз қарийб 815 миллиард тенге сармоя жалб қилдик, бу ўтган йилга нисбатан 30 фоизга кўпдир. Биз сармояларнинг ўсиш суръати бўйича республикада 2-ўриндамиз, қишлоқ хўжалигига йўналтирилган инвестициялар ҳажми бўйича эса вилоятлар орасида етакчимиз”, — деди Асайин Байханов Марказий коммуникациялар хизмати майдонида ўтказилган матбуот анжуманида.

Унга кўра, вилоятга киритилган сармоянинг 88 фоизи хусусий компаниялар томонидан жалб қилинган.

“Ҳудудда қулай сармоявий муҳит мавжуд, дейиш мумкин. Ҳозир бу ерда умумий қиймати 2,8 триллион тенге бўлган 140 та инвестиция лойиҳаси жамғармаси мавжуд бўлиб, улар 10 мингдан ортиқ янги иш ўрни яратиш имконини беради”, — деди у.

Эслатиб ўтамиз, Павлодардан қандай товарлар экспорт қилиниши ҳақида хабар берган эдик.