Париж Олимпиадаси: Нурбек Оралбайнинг финалдаги рақиби аниқланди

ASTANА. Кazinform - Қозоғистонлик боксчи Нурбек Оралбайнинг (80 кг) Париж Олимпиадаси финалидаги рақиби аниқ бўлди.

Финалда қозоғистонлик боксчи украиналик Александр Хижнякга қарши рингга кўтарилади. Унинг рақиби Токио Олимпиадасида кумуш медални қўлга киритган бўлса, 2017 йилда жаҳон чемпионатида ғалаба қозонган.

У бир неча бор Европа чемпиони унвонини қўлга киритган.

Нурбек Оралбай ярим финалда Доминикан Республикасидан келган чарм қўлқоп устаси Кристиан Хавьер Пиналесни 3:2 ҳисобида енгди.

Нурбек бундан олдин озарбайжонлик Мурод Аллоҳвердиев ва австралиялик Каллум Петерсни мағлуб этганди.

Эслатиб ўтамиз, Нариман Қурбанов Париж Олимпиадасида спорт гимнастикаси бўйича отда машқ бажаришда кумуш медални қўлга киритди.