Париж-2024: Олимпия ўйинлари теннис мусобақаларига қуръа ташланди
PARIS. Кazinform - Бугун Ролан Гаррос стадионида Париж Олимпиадаси теннис мусобақаларига қуръа ташлаш маросими бўлиб ўтди ва теннисчиларнинг биринчи даврадаги рақиблари аниқланди.
Яккалик баҳсларида Қозоғистоннинг биринчи ракеткаси Елена Рибакина биринчи босқичда руминиялик теннисчи Кристиан Жаклинга қарши кортга чиқади.
Юлия Путинцева украиналик Марта Костюк билан беллашади.
Эркаклар ўртасида Қозоғистоннинг биринчи, дунёнинг 25-ракеткаси Александр Бублик мусобақани америкалик теннисчи Тейлор Фрицга, яна бир қозоғистонлик Александр Шевченко эса чехиялик спортчи Якуб Меншикка қарши ўйнайди.
Жуфтлик баҳсларининг қуръа натижаси:
Бублик/Недовесов (Қозоғистон) – Попирин/Де Минаур (Австралия)
Қуръа ташлаш маросимида турли Олимпия медаллари совриндорлари, хусусан, Энди Маррей (Рио-2016, олтин), Рафаэль Надаль (Пекин-2008, олтин), Станислав Вавкринка (Пекин-2008, жуфтлик баҳсларида олтин), Элина Свитолина (Токио-2020, бронза) ва Анжелик Кербер (Рио-2016, кумуш) иштирок этди.
Эслатиб ўтамиз, теннис ўйинлари 27 июлдан 4 августга қадар машҳур Ролан Гаррос стадионида бўлиб ўтади.
Аввалроқ стол тенниси бўйича миллий терма жамоа етакчиси Кирилл Герасименко Париж Олимпиадасининг илк учрашувида чилилик спортчи Николас Бургос билан куч синашиши ҳақида ёзган эдик.
Ушбу спорт тури бўйича мусобақа 27 июль куни старт олади.
