Париж-2024: Хитойлик теннисчи дунёнинг 1-ракеткасини ютиб, сенсация яратди

PARIS. Kazinform - Хитойлик теннисчи, дунёнинг 7-ракеткаси Чжэн Циньвэнь сенсация яратиб, Олимпиада ўйинлари финалига чиқди.

Хитойлик спортчи ярим финалда жаҳоннинг биринчи ракеткаси ва олтин медаль учун асосий давогар ҳисобланган Польша вакили Ига Швентек билан ўйнади.

Бир соату 50 дақиқа давом этган баҳсда Циньвэнь 6:2, 7:5 ҳисобида зафар қучди. У учта эйс билан бирга 13 та брейк-пойнтдан олтитасини фойдаланди. Швентек 5 та эйс, 3 та брейк (6 та брейк-пойнт) билан ажралиб турди.

Хитойлик теннисчи финалда дунёнинг 21-ракеткаси, хорватиялик Донна Векич ёки 67-ўриндаги словакиялик Анна-Каролина Шмидловалардан бири билан олтин соврин учун кураш олиб боради.

Ч.Циньвэнь ўтган йили ўз мамлакатида бўлиб ўтган Осиё ўйинларида чемпион бўлди. Пекиндаги баҳсда эса у қозоғистонлик Елена Рибакинага 1:6, 2:6 ҳисобида имкониятни бой берди.

Токио Олимпиадасида тўртинчи ўринни эгаллаган Е.Рибакина соғлиғи туфайли бу йил Париждаги мусобақада иштирок этишдан бош тортди.

Муаллиф: Ғайсағали Сейтақ