Осиё ўйинларида бокс бўйича Қозоғистон шарафини ким ҳимоя қилади

ASTANA. Kazinform – Хитойнинг Ханчжоу шаҳрида 23 сентабрь – 8 октабрь кунлари бўлиб ўтадиган Осиё ўйинларида эркаклар ўртасида бокс бўйича Қозоғистон шарафини ҳимоя қиладиган боксчилар маълум бўлди, деб хабар беради Kazinform.

Бош мураббий Мирзағали Айтжанов шогирдларини Хитойдаги мусобақага олиб боради.

Қозоғистон Республикаси бокс федерацияси томонидан эълон қилинган маълумотларга кўра, Осиё ўйинларига боксчиларни саралаш Тошкент шаҳрида ўтказилган жаҳон чемпионати ва «Астана-2023» халқаро Elorda Cup турнири натижаларига кўра танлаб олинган.

Жумладан, Ханчжоу шаҳрида 51 килограмм вазн тоифасида Сакен Бибосинов, 57 килограмм вазн тоифасида Маҳмуд Сабирхан Қозоғистон шарафини ҳимоя қилади.

63,5 кг вазнда Ертуған Зейнуллинов, 71 кг вазнда жамоа сардори Асланбек Шимбергенов баҳслашади.

80 килограмм вазн тоифасида Нурбек Оралбай, 92 килограмм вазн тоифасида Сағиндиқ Тоғамбай рингга чиқади.

Қамшибек Қонқабаев оғир вазн тоифасида рингга чиқади.

Эслатиб ўтамиз, Осиё ўйинларида Қозоғистон байроғини боксчи Асланбек Шимбергенов ва спортчи Надежда Дубовицкая кўтариб чиқади.

Осиё ўйинлари 23 сентябрдан 8 октябрга қадар бўлиб ўтади. 40 та спорт тури бўйича медаллар тўплами баҳоланади.

Бунгача бокс бўйича аёллар ўртасидаги Осиё ўйинларида Қозоғистон шарафини ким ҳимоя қилиши ҳақида ёзган эдик.