Олимпиада: теннис мусобақаларига қозоғистонлик мутахассислар ҳакамлик қилади

ASTANА. Кazinform — Қозоғистонлик Меруерт Каукеева ва Юлия Игнатченко Париж Олимпиадаси ҳакамлари сафига қўшилди.

Қозоғистон теннис федерацияси хабарига кўра, Меруерт ва Юлия кумуш нишонга эга халқаро даражадаги ҳакамлари ҳисобланади.

Бу М.Каукеева ва Ю.Игнатченко учун иккинчи олимпиада бўлади. Маълумки, улар 2021 йилда Токиода ҳам ҳакамлик қилишган.

Олимпия ўйинларида Қозоғистон шарафини яккалик баҳсларида Елена Рибакина ва Юлия Путинцева, эркаклар ўртасида эса Александр Бублик ва Александр Шевченко ҳимоя қилади. Жуфтлик баҳсларида А.Бублик ва Александр Недовесов ҳам иштирок этади.

Эслатиб ўтамиз, аввалроқ Александр Недовесов Швециядаги турнирнинг ярим финалига йўлланма олгани ҳақида ёзган эдик.