НАТОнинг собиқ бош котиби Норвегиянинг янги молия вазири бўлди

ASTANА. Кazinform – Йенс Столтенберг Норвегиянинг янги молия вазири бўлди, дея хабар беради Кazinform мухбири.

Европа матбуоти хабарларига кўра, унинг исми-шарими Норвегия бош вазири Йонас Гар Сторе таклиф қилган янги вазирлар кабинетига киритилган.

Столтенбергнинг ўзи молия вазирлигига раҳбарлик қилиш таклифини қабул қилганини тасдиқлади.

Йенс 2000 йилдан 2001 йилгача ва 2005 йилдан 2013 йилгача Норвегия бош вазири бўлган. У 2014 йилда НАТО бош котиби лавозимини эгаллаган ва роппа-роса 10 йил бу лавозимда ишлаган. Унинг ваколати Украинадаги воқеалар туфайли узайтирилди. Столтенберг 2022 йилда НАТОни тарк этиб, Норвегия Марказий банкини бошқарган.

Норвегия ҳукуматидаги ўзгаришлар январь ойи охирида Марказ партияси Ишчилар партияси билан коалициядан чиқишини эълон қилганидан кейин бошланди.

Марказ партияси раҳбари Тригве Ведум молия вазири лавозимини тарк этди ва унинг ўрнига Й. Столтенберг келди.

Энди Норвегия ҳукумати сўнгги 25 йил ичида биринчи марта тўлиқ Ишчилар партияси вакилларидан иборат бўлади.

Эслатиб ўтамиз, аввалроқ Йенс Столтенберг НАТО бош котиби ваколатларини расман Марк Рюттега топширгани ҳақида хабар берган эдик.