Муроджон Аҳмадалиев 4 май кунги жангига Наоя Иноуэнинг бўлажак рақиби билан тайёрланяпти

TASHKENT. Kazinform - Иккинчи энг енгил вазн тоифасида WBA Interim камари соҳиби, ўзбекистонлик Муроджон Аҳмадалиев навбатдаги жангига тайёргарликни давом эттирмоқда, деб хабар беради Kazinform агентлиги ЎР профессионал бокс федерациясига таяниб.

30 ёшли чарм қўлқоп устаси Ўзбекистон вақти билан 5 май куни тонгда АҚШнинг Лас-Вегас шаҳрида ташкил этиладиган бокс оқшомида рингга кўтарилади. Унга ким рақиблик қилиши ҳозирча номаълум.

Турнирнинг марказий жанги иккинчи энг енгил вазн тоифасида мутлақ жаҳон чемпиони, япониялик Наоя Иноуэ ҳамда АҚШ вакили Рамон Карденас ўртасида кечади.

Қизиғи, Аҳмадалиев ўз жанги учун тайёргарлик машғулотларини айнан Карденас билан биргаликда ўтказмоқда. Агар Иноуэ ва Аҳмадалиев ўз жангларида ғалаба қозонишса, сентябрь ойида ўзаро тўқнаш келишади.