Мисрдаги турнир якунланди: қозоғистонлик полвонлар 13 та медални қўлга киритди

ALMATY. Кazinform – Мисрнинг Александрия шаҳрида кураш бўйича ўтказилган рейтинг турнирининг сўнгги кунида қозоғистонлик 1 нафар полвон бронза медалини қўлга киритди. Бу ҳақда Қозоғистон кураш федерацияси матбуот хизмати маълум қилди, деб хабар беради Kazinform мухбири.

Қозоғистон кураш федерацияси хабарига кўра, Иброҳим Мустафо соврини учун ўтказилаётган халқаро турнирнинг сўнгги кунида эркин кураш бўйича 57 килограмм вазн тоифасида Рахат Қалжан бронза медалини қўлга киритди.

Шу тариқа Қозоғистон терма жамоаси ушбу мусобақани 2 та олтин, 3 та кумуш ва 8 та бронза медали билан якунлади.

Эслатиб ўтамиз, қозоғистонлик полвонлар Мисрдаги турнирнинг биринчи кунида 7 та, иккинчи куни 3 та, учинчи куни эса 2 та медал қўлга киритган эди.

Муаллиф: Думан Арғингелди