Михаил Кукушкин Испаниядаги мусобақада кетма-кет учинчи ғалабасини қўлга киритди

ASTANA. Kazinform – Қозоғистонлик теннисчи, дунёнинг 165-ракеткаси Михаил Кукушкин Тенерифе (Испания) шаҳрида ўтказилаётган челленжер турнирининг иккинчи даврасига йўл олди.

Қозоғистонлик теннис фахрийси саралаш баҳсларидан бошлаб икки рақибини мағлуб этган эди.

М.Кукушкин асосий баҳснинг биринчи даврасида жаҳон рейтингида 200-ўринни эгаллаб турган италиялик Франко Агаменонега қарши маҳорат кўрсатди.

Қарийб икки соат давом этган баҳсда қозоғистонлик спортчи рақибини 7:6 (7:3), 6:3 ҳисобида мағлуб этди. У 2 та эйс билан бирга 6 та брейк-пойнтдан 3 тасини қайд этди. Ф. Агаменоне 1 эйс, 2 та брейк (5 та брейк-пойнт)дан ошиб кета олмади.

Михаил Кукушкин чорак финалга чиқиш учун 231-ўринни эгаллаб турган болгариялик Димитар Кузманов билан беллашади.

Тенерифеда кетма-кет учта ғалабага эришган қозоғистонлик теннисчи айни дамда ATP Live рейтингида 160-ўринни эгаллаб турибди.