Михаил Кукушкин Испаниядаги асосий турнирга йўлланма олди

ASTANA. Kazinform – Қозоғистонлик теннисчи, дунёнинг 165-ракеткаси Михаил Кукушкин Тенерифе (Испания) шаҳрида бўлиб ўтадиган челленжер турнирига йўлланма олди.

Саралаш баҳсларининг 1-ракеткаси сифатида қайд этилган қозоғистонлик теннисчи дастлаб грузиялик Николоз Басилашвилини 6:2, 6:2 ҳисобида мағлуб этди.

М.Кукушкин саралаш баҳсларининг финалида 320-ўринни эгаллаган франциялик Лорен Локоли билан кортга чиқди.

Қозоғистонлик теннисчи биринчи партияда 4:1 ҳисобида олдинда бораётган бир пайтда Л.Локоли баҳсни давом эттиришдан бош тортди.

Шу тариқа М.Кукушкин асосий турнирга йўл олди.