Михаил Кукушкин Германиядаги мусобақада камбэк қилди ва иккинчи босқичга чиқди

ASTANA. Kazinform – Қозоғистонлик, жаҳоннинг 133-ракеткаси Михаил Кукушкин Брауншвейг (Германия) шаҳрида ўтказилаётган челленжер турнирини ғалаба билан бошлади.

Қозоғистонлик спортчи биринчи даврада дунёнинг 152-ракеткаси австриялик Юрий Родионов билан учрашди.

Гарчи биринчи партияда Родионов 6:3 ҳисобида ғалаба қозонган бўлса-да, Кукушкин камбэк қилишга муваффақ бўлди – 7:5, 6:3. Икки соату 25 дақиқа давом этган баҳсда Кукушкин 10 та брейк-пойнтдан 4 тасини ва 1 та эйсни ишлатди. Родионов 5 та эйс, 3 та брейк (6 та брейк) билан ажралиб турди.

Михаил Кукушкин чорак финалга чиқиш учун дунёнинг 106-ракеткаси, ушбу мусобақанинг 8-ракеткаси чилилик Кристиан Гарин билан куч синашади.

Эслатиб ўтамиз, аввалроқ Елена Рибакина Уимблдонда чорак финалга йўлланма олгани ҳақида ёзган эдик.