Михаил Кукушкин Франциядаги мусобақанинг саралаш баҳсларини муваффақиятли якунлади
ASTANA. Kazinform – Қозоғистонлик, дунёнинг 129-ракеткаси Михаил Кукушкин Экс-ан-Провансда (Франция) ўтказилган челленжер мусобақасининг саралаш босқичини муваффақиятли якунлади.
Дастлаб қозоғистонлик теннисчи саралаш баҳсларининг ярим финалида жаҳон рейтингида 274-ўринни эгаллаб турган корт эгаси Матиас Буркни 7:5, 6:2 ҳисобида мағлуб этди.
Кукушкин саралаш баҳслари финалида дунёнинг 146-ракеткаси Испания вакили Пабло Руис билан тўқнаш келди.
Биринчи сетда 3:0 ҳисобида, Михаил олдинга чиқиб олган бир пайтда испаниялик спортчи учрашувни давом эттиришдан бош тортди.
Шу тариқа, Михаил Кукушкин асосий турнирга йўлланма олди.
Қозоғистонлик спортчи биринчи босқичда дунёнинг 96-ракеткаси аргентиналик Франсиско Комесана билан куч синашади.
Қозоғистоннинг иккинчи, дунёнинг 56-ракеткаси ва ушбу турнирнинг 7-ракеткаси Александр Шевченко илк учрашувда рейтингда 101-ўринни эгаллаб турган бельгиялик Давид Гоффен билан куч синашади.
Экс-ан-Прованс мусобақаси 5 май куни якунланади ва чемпион аниқланади.
