Михаил Кукушкин АҚШдаги танловда ғолиб чиқди

ASTANA. Kazinform - Қозоғистонлик теннисчи, дунёнинг 166-ракеткаси Михаил Кукушкин Финиксда (АҚШ) челленжер туркумига кирувчи турнирнинг саралаш баҳсларини муваффақиятли бошлади.

Қозоғистонлик теннисчи дастлабки баҳсда дунё рейтингида 140-ўринни эгаллаб турган америкалик Митчелл Крюгердан устун келди.

Биринчи ўйинда америкалик спортчи 7:5 ҳисобида ғалаба қозонган бўлса-да, М.Кукушкин камбэкда муваффақ бўлди – 7:6 (7:2), 6:0.

Икки соату 18 дақиқа давом этган мусобақада Кукушкин 4 та эйс билан 12 та брейк-пойнтнинг ярмини ўтказиб юбормади. Крюгер 8 та эйс, 4 та брейк (8 та брейк-пойнт) билан ажралиб турди.

Агар Михаил Кукушкин саралашнинг финалида 458-ўринни эгаллаб турган словениялик Бор Артнакни мағлуб этса, асосий баҳсга йўлланма олади.

Ушбу мусобақада Қозоғистоннинг биринчи ва иккинчи ракеткалари Александр Бублик ва Александр Шевченколар чиқиш қиладилар. Биринчи босқичда 82-ўринни эгаллаб турган А.Бублик дунё рейтингида 64-ўринни эгаллаб турган австралиялик Александр Вукичга қарши кортга чиқади.

Дунёнинг 98-ракеткаси А.Шевченконинг рақиби 261-ўриндаги америкалик Колтон Смитдир.