Майами турнири: Юлия Путинцева чорак финалга йўлланма олди
MIAMI. Kazinform – Қозоғистоннинг иккинчи, дунёнинг 68-ракеткаси Юлия Путинцева Майами WТА 1000 турнирининг чорак финалига йўлланма олди.

Қозоғистонлик теннисчи 1/8 финалда дунёнинг 36-ракеткаси украиналик Ангелина Калинина билан куч синашди.
Биринчи партияда Путинцева 4:0 ҳисобида олдинга чиқиб олди. Рақибига бир брейкга эришган бўлса-да, қозоғистонлик теннисчи ҳисобни ошира олди - 6:4.
Иккинчи сетда Калинина олдинга чиқиб олди - 4:1. Бироқ, Юлия ҳисобни тенглашга муваффақ бўлди - 4:4. Кейин эса тай-брейкда ғалаба қозонди - 7:6 (7:5).
Икки соату 20 дақиқа давом этган баҳсда Путинцева 9 та брейк-пойнтдан 3 тасини ва 1 та эйсни ишлатди. Калинина 6 та брейк-пойнтдан 2 тасини қайд этди.
Юлия Путинцева ярим финалга чиқиш учун бир пайтлар жаҳон рейтингида пешқадам бўлган, ҳозирда 32-ўринни эгаллаб турган беларуслик Виктория Азаренка ёки дунёнинг 30-ракеткаси, Буюк Британия вакили Кэти Боултер билан беллашади.
Қозоғистонлик теннисчи WTA Live рейтингида 52-ўринга кўтарилиб олди.