Майами турнири: Елена Рибакина учинчи босқичга чиқди
MIAMI. Kazinform – Қозоғистоннинг биринчи, дунёнинг 4-рақамли ракеткаси Елена Рибакина Майамида (АҚШ) бўлиб ўтаётган WТА 1000 турнирининг учинчи босқичига чиқди.

Мусобақанинг 4-ракеткаси сифатида қайд этилган қозоғистонлик теннисчи иккинчи даврада жаҳон рейтингида 91-ўринни эгаллаб турган даниялик Клара Таусон билан учрашди.
Бунгача рақиблар атиги бир марта тўқнаш келишган, беш йил аввал Бостадда (Швеция) қозоғистонлик спортчи устун келганди.
Бу сафар Таусон биринчи партиядаёқ брейк ясаган бўлса-да, Рибакина ҳисобни тенглаштирди - 3:3. Аммо қозоғистонлик теннисчи рақибига яна икки бор брейк қилишга имкон берди – 3:6.
Иккинчи партияда Елена брейк билан олдинга чиқиб олди - 2:0. Аммо тўпни сетга беришда Таусон брейк қилди - 5:5. Бироқ Рибакина иккинчи имкониятни қўлдан бой бермади - 7:5.
Спортчилар учинчи, ҳал қилувчи партияни брейк билан бошлашди – 1:1. Кейин Рибакина 4:2 ҳисобида олдинга чиқиб олди. Ниҳоят у тўп узатганда, учинчи матчболдан фойдаланишга муваффақ бўлди - 6:4.
Икки соату 27 дақиқа давом этган шиддатли беллашувда Елена 12 та брейк-пойнтдан бештасини ҳамда бешта эйсни фойдаланди. Рақиб 2 та эйс, 5 та брейк (10 та брейк-пойнт) билан ажралиб турди.
Елена Рибакина тўртинчи босқичга чиқиш учун 74-ўринни эгаллаб турган америкалик Тэйлор Таунсенд билан беллашади. У иккинчи даврада дунё рейтингида 28-ўринни эгаллаб турган бельгиялик Элизе Мертенсдан устун келди – 6:2, 6:2.