Машҳур германиялик футболчи Франц Беккенбауэр вафот этди

Машҳур германиялик футболчи Франц Беккенбауэр 78 ёшида вафот этди, дея хабар беради Каzinform.

Афсонавий футболчининг соғлиғида ёздан буён муаммо бўлган. Оммавий ахборот воситаларида Францнинг юрагига икки марта операция қилингани ҳақида хабар берилган эди.

Франц Беккенбауэр 1945 йил 11 сентябрда туғилган. Футболчилик фаолияти давомида 1964-1983 йилларда Германиянинг “Бавария”, “Гамбург”, Американинг “Нью-Йорк Космос” клубларида ўйнаган ва 587 ўйинда 83 та гол урган.

1965-1977 йилларда Германия терма жамоаси таркибида 103 ўйинда 14 та гол урган.

Франц Беккенбауэр 1972 ва 1976 йилларда икки марта "Олтин тўп"ни қўлга киритган. Шунингдек, у Европа чемпионлар кубоги ғолиби, жаҳон ва Европа чемпионлари унвонларини қўлга киритган. Қолаверса, 1990 йилда мураббийлик фаолияти давомида яна бир бор жаҳон чемпиони бўлди.

Кейинги йилларда у “Бавария” жамоаси президенти лавозимида ишлади.

Эслатиб ўтамиз, аввалроқ тўрт карра жаҳон чемпиони бўлган ягона футболчи Марио Загалло вафот этган эди.