Машҳур футболчи Рибакинанинг ўйинини томоша қилди
ASTANА. Кazinform - Машҳур бразилиялик футболчи Роналдиньо Қозоғистоннинг биринчи ракеткаси Елена Рибакинанинг Доҳа (Қатар) WТА турниридаги чорак финал учрашувини томоша қилди.
Бу ҳақда франциялик теннис шарҳловчиси Бастьен Фашан Twitterдаги саҳифасида маълум қилди.
Кеча "Барселона", "Милан" клуби ва Бразилия терма жамоасининг собиқ юлдузи Елена Рибакина ва канадалик Лейла Фернандес учрашувида бўлган пайтида камерага тушиб қолган.
“Роналдиньо Рибакинага мухлислик қилса керак. Уларнинг иккаласи ҳам Лондон майсазорларида ажойиб ўйинлар ўтказишга қодир”, — деб ёзган Фашан бразилиялик футболчининг “Челси” билан ўйиндаги сурати ва Еленанинг Уимблдондаги ғалабаси сурати ёнига.
Бугун Елена Рибакина Доҳа турнирининг ярим финалида россиялик Анастасия Павлюченковага қарши кортга чиқади.
Эслатиб ўтамиз, аввалроқ Елена Рибакина Доҳада АҚШ чемпионати финалчиси устидан ғалаба қозониб, ярим финалга чиққани ҳақида хабар берган эдик.
