Мамлакат шарафини ҳимоя қилиш ўзгача туйғу бағишлайди - Елена Рибакина

ASTANА. Кazinform — 27 декабрдан 5 январга қадар Австралиянинг Сидней ва Перт шаҳарларида аралаш жамоалар ўртасидаги United Cup турнири бўлиб ўтади.

Қозоғистон теннис федерацияси хабарига кўра, қозоғистонликлар Испания ва Греция билан бирга C гуруҳидан жой олган.

Мусобақада Қозоғистондан Элена Рибакина, Жибек Қуламбаева, Александр Шевченко, Дмитрий Попко ва жамоа сардори Александр Недовесовлар иштирок этади.

Елена Рибакина 27 декабрь куни очилиш ўйинида испаниялик Жессика Бузас Манейрога, Александр Шевченко эса Пабло Каррено Бустага қарши кортга чиқади.

Е.Рибакина бир вақтнинг ўзида Брисбендаги WТА 500 турнирида чемпионлик унвони ва ўтган йилги 500 рейтинг очкосини ҳимоя қилиши керак эди. Аммо Елена жамоавий турнирни танлади.

— Анчадан бери United Cupда қатнашишни орзу қилардим. Теннис индивидуал спорт тури бўлгани учун биз кўпинча жамоавий мусобақаларда қатнаша олмаймиз. Мен учун бундай мусобақа ўзгача туйғу бағишлайди. Мамлакат шарафини ҳимоя қилиш ҳам катта аҳамиятга эга, – дейди Э.Рıбакина.

Қозоғистон 2023 йилда илк бор United Cupда иштирок этган.

Эслатиб ўтамиз, аввалроқ Жибек Қуламбаева Ҳиндистондаги мусобақанинг ярим финалига чиққани ҳақида хабар берган эдик.