Малайзия лоукостери Куала-Лумпур - Алмати йўналиши бўйича парвозларни бошлади
ALMATY. Kazinform – 2024 йил 14 мартда Куала-Лумпур халқаро аэропортида Малайзиянинг Air Asia X лоукостер авиакомпаниясининг Куала-Лумпур – Алмати – Куала-Лумпур йўналиши бўйича биринчи рейсининг тантанали очилиш маросими бўлиб ўтди, деб хабар беради Kazinform мухбири.
Парвознинг очилиш маросимида Малайзия транспорт вазири Энтоне Локе, Қозоғистон Республикаси Транспорт вазирлиги фуқаро авиацияси қўмитаси раиси Салтанат Томпиева, Қозоғистон Республикасининг Малайзиядаги элчиси Болат Сугурбаев, Capital A холдинг раҳбари Камарудин Меранун, Air Asia X раиси Бенямин Исмаил ва бошқа шахслар иштироқ этди.
Малайзия транспорт вазири Энтоне Локе ўз нутқида унинг мамлакати Қозоғистонни минтақавий транзит ва транспорт хаби деб билишини таъкидлади. Ўз навбатида, ҚР Транспорт вазирлиги фуқаро авиацияси қўмитаси раиси Салтанат Томпиева Энтоне Локага миннатдорлик билдириб, Air Asia X авиакомпаниясининг Қозоғистонга рейсларини очиш учун икки давлат вазирликлари ҳамда Қозоғистоннинг Малайзиядаги элчихонаси иштирокида катта ишлар амалга оширилганини таъкидлади.
Биринчи D 7600 рейси Куала-Лумпур аэропортидан Алмати аэропортига 100% самолёт юкланган ҳолда амалга оширилди, бу эса ушбу йўналишга талаб юқори эканлигини тасдиқлайди. Алмати аэропортида Малайзия делегациясини Алмати шаҳри ҳокимлиги ва Алмати халқаро аэропорти раҳбарияти кутиб олди.
Айтиш жоизки, тўғридан-тўғри авиақатновларнинг очилиши икки давлат ўртасидаги ҳам маданий, ҳам иқтисодий алоқаларни мустаҳкамлайди. Мамлакатимиз фуқаролари Куала-Лумпур орқали қулай уланиш орқали Жануби-Шарқий Осиё мамлакатларига транзит рейсларни режалаштириш имкониятига эга бўлади.
Air Asia X бюджет компанияси томонидан тўғридан-тўғри рейсларни йўлга қўйиш ҳам Қозоғистонда авиация хизматлари бозорида рақобатни кучайтиришга ёрдам беради. Air Asia X рейслари Куала-Лумпур аэропортининг 2-терминалидан ҳафтасига 4 та рейсни ташкил этувчи Airbus самолётларида амалга оширилади. Алматидан Куала-Лумпурга парвоз давомийлиги 6 соат 55 дақиқани ташкил қилади.
