Қурултой ҳокимият тизимида туб ўзгаришларга йўл очади — Президент
ASTANA. Kazinform — Қурултой фаолиятининг бошланиши давлат бошқаруви тизимида туб институционал ўзгаришларга йўл очади. Бу фикрни Давлат раҳбари Қасим-Жомарт Тоқаев билдирди.
Президентнинг таъкидлашича, Қурултой ҳокимият тизимини шакллантиришда муҳим роль ўйнайди.
“Жумладан, Конституциявий суд судьялари, Марказий сайлов комиссияси ҳамда Олий аудиторлик палатаси аъзолари Қурултойнинг розилиги билан тайинланади. Депутатлар Президент тақдимига биноан Олий суд судьяларини сайлайди ва уларни лавозимидан озод этиши мумкин. Қурултойга Конституциявий суд ва Олий суд судяларини, шунингдек, депутатларни ҳуқуқий дахлсизликдан маҳрум этиш ваколати берилган”, — деди Қасим-Жомарт Тоқаев.
Қурултой Ҳукумат ва Олий аудиторлик палатасининг республика бюджети тўғрисидаги ҳисоботларини тасдиқлайди, Конституциявий суднинг ҳар йилги мурожаатини тинглайди.
Бундан ташқари, депутатлар Ҳукуматга ишончсизлик билдиришга, Президентга Ҳукуматнинг айрим аъзоларини лавозимидан озод этиш ҳақида таклиф киритишга ҳақли.
“Бир сўз билан айтганда, Қурултойга ижро ва суд ҳокимиятини шакллантириш, мамлакат тақдирини белгилайдиган стратегик аҳамиятга эга масалаларни ҳал этишга оид жуда кенг ваколатлар берилди. Биз шу тариқа қонун чиқарувчи органнинг таъсирини сезиларли даражада кучайтирдик. Бу — ҳокимият тармоқлари ўртасидаги ўзаро мувозанат тизими янада мустаҳкамланади, дегани”, — деди Давлат раҳбари.
Умуман олганда, давлат ва жамоат институтларини тизимли равишда модернизация қилиш ишлари йил охирига қадар давом этади.
Эслатиб ўтамиз, Биринчи чақириқ Қурултой: Президент биринчи сессияни очди.
